Երկիր մոլորակին մոտ 128 մետր տրամագծով աստերոիդ է մոտենում

Հոգալով մեր սիրելի ուսանողների, ընթերցողների, հետևորդների կրթության, առողջության, անվտանգության, տեղեկացված լինելու, հետևաբար՝ նաև պաշտպանվածության մասին՝ ներկայացնում ենք հաղորդագրություն այն մասին, որ Երկիր մոլորակին մոտ 128 մետր տրամագծով աստերոիդ է մոտենում:
Հուլիսի 31-ին YM6 աստերոիդը կթռչի Երկրից չորս միլիոն կիլոմետր հեռավորության վրա:

Այս մասին տեղեկացնում է korrespondent.net կայքը՝ ՆԱՍԱ-ին հղումով:
Աստերոիդի տրամագիծը մոտ 128 մետր է:
«Չնայած այն հանգամանքին, որ համակարգչային վերլուծությունն օբյեկտը որակում է որպես «Երկրին մոտ գտնվող աստերոիդ», այն պոտենցիալ վտանգավոր չէ»,-հանգստացրել են փորձագետները:
Հայտնի է, որ YM6 2019-ը Արեգակի շուրջը պտտվում է 401 օրում:
Այս աստերոիդն արդեն թռել է Երկրի մոտով 2020 թվականի հունվարի 28-ին, բայց ավելի քան 25,000,000 կիլոմետր հեռավորության վրա:
Ներկայիս «հանդիպումից» հետո, հաջորդ անգամ այն մոլորակին կմոտենա 2031 թվականի հունվարի 27-ին՝ մոտավորապես նույն հեռավորության վրա (6,5 միլիոն կմ), այնուհետ` միայն 2100 թվականին:

Թողնել մեկնաբանություն

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

× Whatsapp