Ինչպե՞ս ավելի լավ սովորել, հեշտ հիշել տեղեկատվությունը և ավելի շուտ յուրացնել գիտելիքները:
Եկեք պարզենք միասին.
Հարկավոր է նախօրոք պլանավորել անելիքըՓորձեք նոթատետրում գրանցել մեկ ամսվա պլանները: Մի նշեք այնպիսի կետեր, որոնք նույնիսկ մեկ տարվա ընթացքում հնարավոր չէ կատարել: Սակայն մի վախեցեք Ձեր առջև լուրջ պլաններ դնել։
Սովորելու համար հարմար ժամանակ որոշեքՀստակ պարզեք, թե օրվա որ ժամին եք առավել հեշտ սովորում։ Դա ռեժիմ դարձրեք: Օրինակ, 19.00-21.00 ընկած ժամանկահատվածը տրամադրեք անգլերենի ուսումնասիրությանը: Ոչ մի դեպքում մի խախտեք գրաֆիկը և փորձեք չշեղվել ուրիշ գործերի վրա։
Անպայման լավ քնեք Եթե առավոտյան քննության եք, որքան հնարավոր է, շուտ պառկեք քնելու ։ Ուղեղն ու մարմինը պետք է հանգստանան , որպեսզի արդյունավետ աշխատեն: Ութ ժամանոց լավ քունը լավ խորհուրդ է ոչ միայն սովորողների, այլև բոլորի համար:
:Ընտրեք հարմար միջավայր Սովորելու համար հարմարավետ միջավայրը շատ կարևոր է: Ուսանողներին անհրաժեշտ է հանգիստ մթնոլորտ, որպեսզի նրանք կարողանան կենտրոնանալ: Եթե տանը չեք կարողանում հանգիստ անկյուն գտնել, ապա գնացեք գրադարան կամ՝ մեկ այլ վայր։
Փորձեք սովորել խմբակային Կազմեք խմբակներ ըստ նախասիրությունների: Խմբակային պարապմունքների առավելությունն այն է, որ Դուք կարող եք մոտիվացնել միմյանց և օգնել նրանց, ովքեր նյութից ինչ-որ բան չեն հասկացել:
Եվ վերջում՝ միշտ եղեք նպատակասլաց և մի՛ վախեցեք դժվարություններից։
